為著你

《為著你》Uī-tio̍h Lí
江蕙Kang Huī
——————————————
為著你
uī-tio̍h lí
每日心頭凝
muí-ji̍t sim-thâu gîng
想著你
siūnn-tio̍h lí
每日心袂清
muí-ji̍t sim buē tshing
阮的青春
gún ê tshing-tshun
阮的感情
gún ê kám-tsîng
予你來欺騙
hōo lí lâi khi-phiàn
為著你來耽誤來犧牲
uī-tio̍h lí lâi tam-gōo lâi hi-sing

阮是一个堅強的女性
gún sī tsi̍t-ê kian-kiông ê lú-sìng
無講半句的怨言
bô kóng puànn-kù ê uàn-giân
為著你的光明前程
uī-tio̍h lí ê kong-bîng tsiân-tîng
幸福的人生
hīng-hok ê jîn-sing
甘願來忍耐
kam-guān lâi jím-nāi
孤單寂寞的心情
koo-tuann tsi̍k-bo̍k ê sim-tsîng

雖然你對我冷冰冰
sui-jiân lí tuì guá líng ping-ping
阮的心無變
gún ê sim bô piàn
望你有一日
bāng lí ū-tsi̍t-ji̍t
你良心會來發現
lí liông-sim ē lâi huat-hiān
轉來接受阮的真情
tńg-lâi tsiap-siū gún ê tsin-tsîng