無情的城市
《無情的城市》Bô-tsîng ê Siânn-tshī
方順吉Png Sūn-kiat
——————————————
秋風吹
tshiu-hong tshue
吹踮這無情的城市
tshue tiàm tse bô-tsîng ê siânn-tshī
今夜小雨綿綿
kim-iā sió-hōo mî-mî
引阮心傷悲
ín gún sim siong-pi
桌頂彼張批
toh-tíng hit tiunn phue
寫著最後一句話
siá tio̍h tsuè-āu tsi̍t-kù uē
希望閣聽著一句
hi-bāng koh thiann-tio̍h tsi̍t-kù
我愛你
guá ài lí
秋風吹
tshiu-hong tshue
吹踮這無情的城市
tshue tiàm tse bô-tsîng ê siânn-tshī
你是海角天邊
lí sī hái-kak thinn-pinn
上光的彼粒星
siōng kng ê hit lia̍p tshinn
風啊遐無情
hong–ah hiah bô-tsîng
予你離開阮身邊
hōo lí lī-khui gún sin-pinn
親像斷線風吹
tshin-tshiūnn tn̄g-suànn hong-tshue
飛上天
pue tsiūnn-thian
啊~放予去
ah~ pàng hōo khì
彼段已經破碎的記持
hit tuānn í-king phò-tshuì ê kì-tî
醉甲三更半暝
tsuì kah sann-kinn-puànn-mî
啥人來安慰
siánn-lâng lâi an-uì
踮這無情的城市
tiàm tse bô-tsîng ê siânn-tshī
我也深深思念你
guá iā tshim-tshim su-liām lí
阮的一生
gún ê it-sing
攏到遮為止
lóng kàu tsia uî-tsí
