阮的深情你敢知
《阮的深情你敢知》Gún ê Tshim-tsîng Lí Kám Tsai
方順吉Png Sūn-kiat
——————————————
你敢知影
lí kám tsai-iánn
阮猶戇戇咧等待
gún iáu gōng-gōng teh tán-thāi
望你回頭
bāng lí huê-thâu
閣再接受阮的愛
koh-tsài tsiap-siū gún ê ài
你的形影
lí ê hîng-iánn
佇夢中空徘徊
tī bāng-tiong khang pâi-huê
痴心等待
tshi-sim tán-thāi
只賰孤單佮悲哀
tsí tshun koo-tuann kah pi-ai
一生只要你的愛
it-sing tsí-iàu lí ê ài
阮的深情你敢知
gún ê tshim-tsîng lí kám tsai
明知阮是空等待
bîng-tsai gún sī khang tán-thāi
嘛是向望你轉來
mā sī ǹg-bāng lí tńg–lâi
空思夢想心悲哀
khang-su bāng-sióng sim pi-ai
月娘笑阮戇大呆
gue̍h-niû tshiò gún gōng-tuā-tai
跳入一片無情海
thiàu ji̍p tsi̍t-phiàn bô-tsîng hái
痴情猶原無未來
tshi-tsîng iu-guân bô bī-lâi
