別人的芳水味
《別人的芳水味》Pa̍t-lâng ê Phang-tsuí Bī
方怡萍Png Î-phîng
——————————————
為著欲見你一面
uī-tio̍h beh kìnn lí tsi̍t-bīn
著愛等到三更半暝
tio̍h-ài tán-kàu sann-kinn-puànn-mî
這款等待的日子
tsit khuán tán-thāi ê ji̍t-tsí
慢慢仔已經慣勢
bān-bān-á í-king kuàn-sì
攏是阮共你倖歹
lóng-sī gún kā lí sīng pháinn
予你一擺又一擺
hōo lí tsi̍t-pái iū tsi̍t-pái
傷害一个
siong-hāi tsi̍t-ê
痴情戇大呆
tshi-tsîng gōng-tuā-tai
睏佇你的身邊
khùn tī lí ê sin-pinn
鼻別人的芳水味
phīnn pa̍t-lâng ê phang-tsuí bī
刺疼的心
tshì-thiànn ê sim
到如今也慣勢
kàu jû-kim iā kuàn-sì
想欲離開
siūnn-beh lī-khui
是你予我的勇氣
sī lí hōo guá ê ióng-khì
無愛閣繼續
bô-ài koh kè-sio̍k
做你的棋子
tsuè lí ê kî-jí
是你對阮殘忍
sī lí tuì gún tsân-jím
毋是阮對你無情
m̄-sī gún tuì lí bô-tsîng
是你袂記
sī lí buē-kì
當初的約定
tong-tshoo ê iok-tīng
