夜霧十字路
《夜霧十字路》Iā-bū Si̍p-jī-lōo
文夏Bûn-hā
——————————————
日落西山燈火光
ji̍t lo̍h se-suann ting-hué kng
黃昏的十字路
hông-hun ê si̍p-jī-lōo
像目屎的夜霧
tshiūnn ba̍k-sái ê iā-bū
今夜又罩四邊
kim-iā iū tà sì-pinn
難忘的你一人
lân-bōng ê lí tsi̍t-lâng
開聲叫也無回應
khui-siann kiò iā bô huê-ìn
啊~哀愁的街市
ah~ ai-tshiû ê kue-tshī
罩著雺霧
tà tio̍h bông-bū
賣花姑娘的花籃
bē-hue-koo-niû ê hue-nâ
凍冷的十字路
tàng-líng ê si̍p-jī-lōo
風吹來花芳味
hong tshue lâi hue-phang bī
又想起彼當時
iū siūnn-khí hit-tong-sî
不再來彼一暝
put-tsài lâi hit tsi̍t-mî
敢是輪轉的鏡頭
kám-sī lûn-tsuán ê kiànn-thâu
啊~哀愁的街市
ah~ ai-tshiû ê kue-tshī
罩著雺霧
tà tio̍h bông-bū
悲切降落心也寒
pi-tshiat kàng-lo̍h sim iā kuânn
夜霧的十字路
iā-bū ê si̍p-jī-lōo
從窗邊流出來
tsiông thang-pinn lâu–tshut-lâi
歌聲也帶悲哀
kua-siann iā tài pi-ai
懷念的burochi(brooch)
huâi-liām ê bu-lóo-tsih
帶在身邊思念伊
tuà tsāi sin-pinn su-liām i
啊~哀愁的街市
ah~ ai-tshiû ê kue-tshī
罩著雺霧
tà tio̍h bông-bū
