冰點

《冰點》Ping-tiám

江蕙Kang Huī

——————————————

冰天雪地不怕冷

ping-thian suat-tē put-phà líng

只要寒衣足額穿

tsí-iàu hân-i tsiok-gia̍h tshīng

冰人冰心免用冰

ping-jîn ping-sim bián iōng ping

冰到極點最不幸

ping kàu ki̍k-tiám tsuè put-hīng

啊~可怕啊人生

ah~ khó-phà–ah jîn-sing

這敢命中所註定

tse kám miā-tiong sóo tsù-tīng

人間到處揣溫暖

jîn-kan tò-tshù tshuē un-luán

偏偏踏入冷門關

phian-phian ta̍h-ji̍p líng mn̂g-kuan

今日才知顧人怨

kim-ji̍t tsiah tsai kòo-lâng-uàn

悲嘆莫及心大亂

pi-thàn bo̍k-ki̍p sim tāi-luān

啊~可憐啊人生

ah~ khó-lîn–ah jîn-sing

為何予我心遮亂

uī-hô hōo guá sim tsiah luān

世間恩愛真如假

sè-kan un-ài tsin jû ké

愛來愛去變冤家

ài lâi ài khì piàn uan-ke

自常虐待苦到底

tsū siông gi̍k-thāi khóo tàu-tué

含恨終身多怨慼

hâm-hūn tsiong-sin to uàn-tsheh

啊~忍苦的人生

ah~ jím khóo ê jîn-sing

心肝比冰猶較冷

sim-kuann pí ping iáu khah líng