眠夢
《眠夢》Bîn-bāng
一綾It-lîng
——————————————
無實的夢
bô-si̍t ê bāng
夢醒攏是空
bāng-tshínn lóng-sī khang
清醒的夢
tshing-tshénn ê bāng
心思真沉重
sim-su tsin tîm-tāng
窗外的花芳
thang-guā ê hue-phang
漸漸重
tsiām-tsiām tāng
微微的風
bî-bî ê hong
吹入阮心窗
tshue ji̍p gún sim-thang
相思啊相思
siunn-si–ah siunn-si
等待的人
tán-thāi ê lâng
夢中啊夢中
bāng-tiong–ah bāng-tiong
最愛的人
tsuè ài ê lâng
暝啊予阮
mî–ah hōo gún
上媠的夢
siong suí ê bāng
夢醒猶原
bāng-tshínn iu-guân
思思念念
su-su-liām-liām
一場眠夢
tsi̍t-tiûnn bîn-bāng
予我心沉重
hōo guá sim tîm-tāng
日夜失魂
ji̍t-iā sit-hûn
怎樣來承擔
tsuánn-iūnn lâi sîng-tam
思念著你
su-liām tio̍h lí
夢中的人
bāng-tiong ê lâng
較媠的眠夢
khah suí ê bîn-bāng
夢醒猶原是空
bāng-tshínn iu-guân sī khang
