若是到恆春
《若是到恆春》Nā-sī Kàu Hîng-tshun
劉翰安Lâu Hān-an
——————————————
若是到恆春
nā-sī kàu Hîng-tshun
著愛好天的時陣
tio̍h-ài hó-thinn ê sî-tsūn
出帆的海船
tshut-phâng ê hái-tsûn
有時駛遠有時近
ū-sî sái hn̄g ū-sî kūn
若是到恆春
nā-sī kàu Hîng-tshun
著愛落雨的時陣
tio̍h-ài lo̍h-hōo ê sî-tsūn
罩雺的山崙
tà-bông ê suann-lūn
親像姑娘仔的溫順
tshin-tshiūnn koo-niû-á ê un-sūn
若是到恆春
nā-sī kàu Hîng-tshun
愛揀黃昏的時陣
ài kíng hông-hun ê sî-tsūn
海邊的暗雲
hái-pinn ê àm-hûn
半天通紅像抹粉
puānn-thinn thang-âng tshiūnn buah-hún
若是到恆春
nā-sī kàu Hîng-tshun
毋免揀時陣
m̄-bián kíng sî-tsūn
陳達仔的歌若唱起
Tân Ta̍t-á ê kua nā tshiunn khí
一時消阮的心悶
tsi̍t-sî siau gún ê sim-būn
—
唱一段思想起
chàng yīduàn sīxiǎngqǐ
唱一段唐山謠
chàng yīduàn tángshānyáo
老歌手琴音猶在
lǎogēshǒu qínyīn yóuzài
獨不見恆春的傳奇
dú bù jiàn héngchūn de chuánqí
