心亂如麻

《心亂如麻》Sim Luān Jû Bâ

江志豐Kang Tsì-hong

——————————————

聽風的聲

thiann hong ê siann

無停咧響

bô-thîng teh hiáng

掀開了我的心疼

hian-khui liáu guá ê sim thiànn

是為著誰

sī uī-tio̍h siáng

依依難捨

i-i lân-siá

無彩美夢早就拍破

bô-tshái bí-bāng tsá tiō phah-phuà

攑頭看星

gia̍h-thâu khuànn tshinn

閃爍光線

siám-sih kng-suànn

映照著我的孤單

ìng-tsiò tio̍h guá ê koo-tuann

迷戀的心

bê-luân ê sim

受盡折磨

siū-tsīn tsiat-buâ

心愛的你敢有咧看

sim-ài–ê lí kám ū teh khuànn

越頭迷茫的暗淡燈下

ua̍t-thâu bê-bông ê àm-tām ting-hā

親像看見你形影

tshin-tshiūnn khuànn-kìnn lí hîng-iánn

孤單中喘氣的聲

koo-tuann tiong tshuán-khuì ê siann

敢是心愛的你閣咧遐

kám-sī sim-ài–ê lí koh teh hia

啊~按怎會愈愛愈疼

ah~ án-tsuánn ē jú ài jú thiànn

你的甜猶是放袂下

lí ê tinn iáu-sī pàng buē hā

愛你是我的運命

ài lí sī guá ê ūn-miā

毋是一種咒誓

m̄-sī tsi̍t-tsióng tsiù-tsuā

按怎會愈愛愈疼

án-tsuánn ē jú ài jú thiànn

想起你

siūnn-khí lí

是心酸的拖磨

sī sim-sng ê thua-buâ

原來愛到心亂如麻

guân-lâi ài kah sim luān jû bâ

才會愈來愈為你牽掛

tsiah ē jú lâi jú uī lí khian-kuà