眾仙請–了
https://www.facebook.com/605451989890923/videos/1595575373919770
【POJ】
Chiòng sian chhiáⁿ–liáu
Thâu óaⁿ líng-pôaⁿ ngiâ pin-kheh
Ian-chhiâng si̍k-bah ta̍k-hāng ngeh–ah, ta̍k-hāng ngeh
Jī lâi chhài-lō͘ se-ló͘-bah
Choân ke pîng-an chē sio-óa–ah, chē sio-óa
Ngó͘ liú khan-keⁿ lâm chìⁿ-hî
Sng-tiⁿ ji̍p chhùi kòe hó nî–ah, kòe hó nî
Phêⁿ-ô͘ chio̍h-ku kài phang-tiⁿ
Pâi-kut tīm thng hó chu-bī–ah, hó chu-bī
Chhiú-lō͘ kāu-kang beh sit-thoân
Lo̍k-káng kó͘-chá bah-chàng-môa–ah, bah-chàng-môa
Môa-iû bí-ko phang-kòng-kòng
Tíng-chin pâi pôaⁿ bān-nî-hông–ah, bān-nî-hông
Sún-koaⁿ kha-khò͘ kûn kài nōa
Kò͘-tio̍h làu-lâng chhùi-khí-hōaⁿ–ah, chhùi-khí-hōaⁿ
Lê-bah soàn-ki pâi kui pâi
Jiû-hî chú keⁿ tōa hoat-châi–ah, tōa hoat-châi
* Lí koh ē-kì-chit hit ê nî-tāi–bô?
* Bóe-gê sio-chio lâi chia̍h-pîng-an
Jī khòng it kiú nî, chiaⁿ–goe̍h jī-cha̍p ji̍t
Kū-li̍k cha̍p-jī–goe̍h cha̍p-gō͘, ē-po͘ saⁿ tiám
Tī lán Lo̍k-káng Hō͘-sìng-kiong Po-lê Má-chó͘-biō
Kí-pān kó͘-chá pān-toh sīng-hōe
Pún kiong iau-chhiáⁿ chióng sian it-tông chiân-óng
Hiáng-iōng pān-toh chhiú-lō͘-chhài
Bûn-hòa sīng-hōe
【Tâi-lô】
Tsiòng sian tshiánn–liáu
眾仙請–了
Thâu uánn líng-puânn ngiâ pin-kheh
頭碗冷盤迎賓客
Ian-tshiâng si̍k-bah ta̍k-hāng ngeh–ah, ta̍k-hāng ngeh
煙腸熟肉逐項夾–啊，逐項夾
Jī lâi tshài-lōo se-lóo-bah
二來菜路se-lóo-bah
Tsuân ke pîng-an tsē sio-uá–ah, tsē sio-uá
全雞平安坐相倚–啊，坐相倚
Ngóo liú khan-kenn lâm tsìnn-hî
五柳牽羹淋糋魚
Sng-tinn ji̍p tshuì kuè hó nî–ah, kuè hó nî
酸甜入喙過好年–啊，過好年
Phênn-ôo tsio̍h-ku kài phang-tinn
澎湖石居蓋芳甜
Pâi-kut tīm thng hó tsu-bī–ah, hó tsu-bī
排骨燖湯好滋味–啊，好滋味
Tshiú-lōo kāu-kang beh sit-thuân
手路厚工欲失傳
Lo̍k-káng kóo-tsá bah-tsàng-muâ–ah, bah-tsàng-muâ
鹿港古早肉粽鰻–啊，肉粽鰻
Muâ-iû bí-ko phang-kòng-kòng
麻油米糕芳貢貢
Tíng-tsin pâi puânn bān-nî-hông–ah, bān-nî-hông
頂真排盤萬年紅–啊，萬年紅
Sún-kuann kha-khòo kûn kài nuā
筍乾跤庫?蓋爛
Kòo-tio̍h làu-lâng tshuì-khí-huānn–ah, tshuì-khí-huānn
顧著老人喙齒岸–啊，喙齒岸
Lê-bah suàn-ki pâi kui pâi
螺肉蒜枝排規排
Jiû-hî tsú kenn tuā huat-tsâi–ah, tuā huat-tsâi
鰇魚煮羹大發財–啊，大發財
* Lí koh ē-kì-tsit hit ê nî-tāi–bô?
你閣會記得彼个年代–無？
* Bué-gê sio-tsio lâi tsia̍h-pîng-an
尾牙相招來食平安
Jī khòng it kiú nî, tsiann–gue̍h jī-tsa̍p ji̍t
二空一九年，正月二十日
Kū-li̍k tsa̍p-jī–gue̍h tsa̍p-gōo, ē-poo sann tiám
舊曆十二月十五，下晡三點
Tī lán Lo̍k-káng Hōo-sìng-kiong Po-lê Má-tsóo-biō
佇咱鹿港護聖宮玻璃媽祖廟
Kí-pān kóo-tsá pān-toh sīng-huē
舉辦古早辦桌盛會
Pún kiong iau-tshiánn tsióng sian it-tông tsiân-óng
本宮邀請眾仙一同前往
Hiáng-iōng pān-toh tshiú-lōo-tshài
享用辦桌手路菜
Bûn-huà sīng-huē
文化盛會
