追
《追》Tui
蒲庭龍Pôo Tîng-liông
辦桌二人組Pān-toh Jī-jîn-tsoo
——————————————
路燈昏暗的光線
lōo-ting hūn-àm ê kng-suànn
照著都市的繁華
tsiò tio̍h too-tshī ê huân-huâ
跤步沉重孤單
kha-pōo tîm-tāng koo-tuann
散場的電影
suànn-tiûnn ê tiān-iánn
三分醉意的酒攤
sann-hun tsuì-ì ê tsiú-thuann
生活是為著啥
sing-ua̍h sī uī-tio̍h siánn
天猶未光的透早
thinn iáu-buē kng ê thàu-tsá
這段過去想一半
tsit tuānn kuè-khì siūnn tsi̍t-puànn
酸酸苦苦定定
sng-sng khóo-khóo tiānn-tiānn
人生行到遮
jîn-sing kiânn kàu tsia
攏為理想咧拍拚
lóng uī lí-sióng teh phah-piànn
袂記快樂按怎寫
buē-kì khuài-lo̍k án-tsuánn siá
追求成功向前行
tui-kiû sîng-kong hiòng-tsiân kiânn
追著一句好名聲
tui tio̍h tsi̍t-kù hó miâ-siann
追無我的青春佮愛情啊
tui bô guá ê tshing-tshun kah ài-tsîng–ah
追求美夢來到遮
tui-kiû bí-bāng lâi-kàu tsia
追著一切又按怎
tui tio̍h it-tshè iū án-tsuánn
歲月流金
suè-gua̍t liû-kim
越頭賰孤單
ua̍t-thâu tshun koo-tuann
