春宵吟
《春宵吟》Tshun-siau Gîm
鳳飛飛 Hōng Hui-hui
——————————————
南國春天時
lâm-koh tshun-thinn sî
草木啊當青
tsháu-bo̍k–ah tng tshinn
我在春宵月光暝
guá tsāi tshun-siau ge̍h-kng mî
無意中看見
bô-ì-tiong khuànn-kìnn
百花滿開笑微微
pah-hue muá khui tshiò bî-bî
蝴蝶宿花枝
ôo-tia̍p siù hue-ki
雙雙又飛起
siang-siang iū pue khí
一時推動阮心意
tsi̍t-sî thui-tāng gún sim-ì
怨嘆看天邊
uàn-thàn khuànn thinn-pinn
夜半露水滴
iā-puàn lōo-tsuí tih
百花啊芳味
pah-hue–ah phang-bī
我在寂靜更深時
guá tsāi tsi̍k-tsīng kinn-tshim sî
無意中聽見
bô-ì-tiong thiann-kìnn
音樂傳來斷腸詩
im-ga̍k thuân lâi tuān-tn̂g si
哀韻入阮耳
ai-ūn jîp gún hīnn
引阮心內悲
ín gún sim-lāi pi
坐在床邊無元氣
tsē tsāi tshn̂g-pinn bô guân-khì
春宵怨長暝
tshun-siau uàn tn̂g-mî
夜深靜記記
iā-tshim tsīng kì-kì
風冷啊吱吱
hong líng–ah ki-ki
倒在床中睏袂去
tó tsāi tshn̂g-tiong khùn buē khì
無奈踮窗邊
bô-nāi tiàm thang-pinn
空度春天良宵暝
khang tōo tshun-thinnn liông-siau mî
攑頭看月圓
gia̍h-thâu khuànn ge̍h înn
為何愁袂離
uī-hô tshiû buē-lī
一更過了又一更
tsi̍t-kinn kuè liáu iū tsi̍t-kinn
不覺雞聲啼
put-kak ke-siann thî
