雙雁影
《雙雁影》Siang-gān Iánn
鳳飛飛 Hōng Hui-hui
——————————————
秋風吹來落葉聲
tshiu-hong tshue lâi lo̍h-hio̍h siann
單身賞月出大埕
tuann-sin siúnn gue̍h tshut tuā-tiânn
看見倒轉雙雁影
khuànn kìnn tò-tńg siang-gān iánn
傷心欲吼驚人聽
siong-sim beh háu kiann lâng thiann
鴻雁哪會遮自由
hông-gān ná-ē tsiah tsū-iû
雙雙迎春又送秋
siang-siang ngiâ tshun iū sàng tshiu
因何人生袂親像
in-hô jîn-sing buē tshin-tshiūnn
秋天若來阮憂愁
tshiu-thinn nā lâi gún iu-tshiû
秋天月夜怨單身
tshiu-thinn gue̍h-iā uàn tuann-sin
規暝思君袂安眠
kui-mî su kun buē an-bîn
恨君到今未見面
hūn kun kàu-tann buē kìnn-bīn
毋知為著啥原因
m̄-tsai uī-tio̍h siánn guân-in
