六月茉莉
《六月茉莉》La̍k-ge̍h Ba̍k-nī
詞/曲：許丙丁 Kóo Píng-ting
鳳飛飛 Hōng Hui-hui
———————————————-
六月茉莉真正媠
la̍k-ge̍h ba̍k-nī tsin-tsiànn suí
郎君生做哩都真古錐
lông-kun senn-tsuè lí-to tsin kóo-tsui
好花難得成雙對
hó hue lân-tit sîng siang tuì
身邊若無娘仔哩都上克虧
sin-pinn nā bô niû-á li-to siōng khik-khui
六月茉莉真正芳
la̍k-ge̍h ba̍k-nī tsin-tsiànn phang
單身娘仔哩都守空房
tuann-sin niû-á lí-to tsiú khang-pâng
好花也著有人挽
hó hue iā tio̍h ū-lâng bán
無人知影哩都氣死人
bô-lâng tsai-iánn lí-to khì sí-lâng
六月茉莉芳透天
la̍k-ge̍h ba̍k-nī phang thàu-thinn
單身娘仔哩都無了時
tuann-sin niû-á lí-to bô-liáu-sî
好花也著合人意
hó hue iā tio̍h ha̍h lâng ì
何時郎君仔哩都在身邊
hô-sî lông-kun-á lí-to tsāi sin-pinn
六月茉莉透暝芳
la̍k-ge̍h ba̍k-nī thàu-mî phang
單身娘仔哩都做眠夢
tuann-sin niû-á lí-to tsuè bîn-bāng
好花開了等後冬
hó hue khui liáu tán āu-tang
娘仔的青春仔哩都何時放
niû-á ê tshing-tshun-á lí-to hô-sî pàng
六月茉莉滿山芳
la̍k-ge̍h ba̍k-nī muá-suann phang
挽花也著哩都惜花欉
bán hue iā tio̍h lí-to sioh hue-tsâng
親像蝴蝶亂亂弄
tshin-tshiūnn ôo-tia̍p luān-luān lāng
採過若一欉仔哩都過一欉
tshái kuè nā tsi̍t-tsâng-á lí-to kuè tsi̍t tsâng
六欉茉莉分六路
la̍k tsâng ba̍k-nī hun la̍k lōo
這欉較媠哩都搬落湖
tsi̍t tsâng khah suí lí-to puann lo̍h ôo
日時欲挽有人顧
ji̍t–sî bueh bán ū-lâng kòo
暝時欲挽哩都人看無
mî–sî bueh bán lí-to lâng khuànn-bô
