春風歌聲
《春風歌聲》Tshun-hong Kua-siann
鳳飛飛 Hōng Hui-hui
——————————————
東爿日出黎明時
tang-pîng ji̍t-tshut lê-bîng sî
清風吹來笑微微
tshing-hong tshue lâi tshiò bî-bî
風光美景滿人意
hong-kong bí-kíng muá lâng ì
可愛小鳥吟歌詩
khó-ài sió-tsiáu gîm kua-si
啊~花開樹葉青
ah~ hue-khui tshiū-hio̍h tshinn
暖和天氣日照江邊
luán-hô thinn-khì ji̍t tsiò kang-pinn
春風歌聲
tshun-hong kua-siann
讚賞快樂好春天
tsàn-siúnn khuài-lo̍k hó tshun-thinn
光景宛然山水鏡
kong-kíng uán-jiân suann-tsuí kiànn
解人悶悶的心情
kái lâng būn-būn ê sim-tsiânn
百花爭豔樹弄影
pah-hue tsing-iām tshiū lāng iánn
雙雙行出門口埕
siang-siang kiânn tshut mn̂g-kháu tiânn
啊~遊玩山嶺
ah~ iû-uán peh suann-niá
同進同行唱出歌聲
tông-tsìn tông-kiânn tshiùnn-tshut kua-siann
前進前進
tsiân-tsìn tsiân-tsìn
進入幸福青春城
tsìn-ji̍p hīng-hok tshing-tshun siânn
萬里無雲天清清
bān-lí bô-hûn thinn tshing-tshing
鸚哥鳥啼在窗前
ing-ko tsiáu-thî tsāi thang-tsîng
看見外面好光景
khuànn-kìnn guā-bīn hó kong-kíng
江水悠悠流無停
kang-tsuí iu-iu lâu bô-thîng
啊~春風吹心情
ah~ tshun-hong tshue sim-tsîng
熱血心性無限前程
jia̍t-hiat sim-sìng bô-hān tsiân-tîng
春風歌聲
tshun-hong kua-siann
祝咱前途好光明
tsiok lán tsiân-tôo hó kong-bîng
