友情
《友情》Iú-tsîng
詹雅雯Tsiam Ngá-bûn
——————————————
可能行無仝款的路
khó-lîng kiânn bô kāng-khuán ê lōo
可能做無仝款的夢
khó-lîng tsuè bô kāng-khuán ê bāng
感謝緣份來相牽
kám-siā iân-hūn lâi sio khan
知己的朋友就是咱
ti-kí ê pîng-iú tiō-sī lán
幸福逐家同齊分享
hīng-hok ta̍k-ke tâng-tsê hun-hiáng
困難逐家同齊分擔
khùn-lân ta̍k-ke tâng-tsê hun-tam
相伨的情份
sio-thīn ê tsîng-hūn
佮別人無仝款
kah pa̍t-lâng bô kāng-khuán
親像清茶落喉甘
tshin-tshiūnn tshing-tê lo̍h-âu kam
親像泡麵遐簡單
tshin-tshiūnn phàu-mī hiah kán-tan
自然付出無負擔
tsū-jiân hù-tshut bô hū-tam
毋免計算添麻煩
m̄-bián kè-sǹg thiam mâ-huân
一句真話相疼痛
tsi̍t-kù tsin-uē sio thiànn-thàng
一个眼神就溫暖
tsi̍t-ê gán-sîn tiō un-luán
一份友情
tsi̍t-hūn iú-tsîng
陪伴咱一世人
puê-phuānn lán tsi̍t-sì-lâng
