異鄉悲戀夢
《異鄉悲戀夢》Ī-hiong Pi-luân Bāng
詹雅雯Tsiam Ngá-bûn
——————————————
君問歸期未有期
kun būn kui kî bī iú kî
巴山夜雨漲秋池
Pa-san iā ú tiàng tshiu tî
何當共翦西窗燭
hô tong kiōng tsián se tshong tsiok
卻話巴山夜雨時
khiok huā Pa-san iā ú sî
—
離故鄉到都市
lī kòo-hiong kàu too-tshī
北部送冬換春衣
pak-pōo sàng tang uānn tshun-i
君多情妹多義
kun to-tsîng muē to-gī
千里來結緣喜帶悲
tshian-lí lâi kiat-iân hí tài pi
啊~夜鶯毋知阮心意
ah~ iā-ing m̄-tsai gún sim-ì
樹頂空吟懷春詩
tshiū-tíng khang gîm huâi-tshun si
南部妹北部哥
lâm-pōo muē pak-pōo ko
愛情超過千里河
ài-tsîng tshiau-kuè tshian-lí hô
青春夢雖然好
tshing-tshun-bāng sui-jiân hó
只驚好夢變水波
tsí kiann hó bāng piàn tsuí-pho
啊~愛情愈好是愈煩惱
ah~ ài-tsîng jú hó sī jú huân-ló
你富我貧欲如何
lí hù guá pîn bueh jû-hô
千里緣結鴛鴦
tshian-lí iân kiat uan-iunn
北部明月引鄉愁
pak-pōo bîng-gua̍t ín hiong-tshiû
為終身我暗自想
uī tsiong-sin guá àm-tsū siūnn
花開結子望兄收
hue khui kiat-tsí bāng hiann siu
啊~望君立誓愛永久
ah~ bāng kun li̍p-sè ài íng-kiú
毋通變心學風流
m̄-thang piàn-sim o̍h hong-liû
啊~望君你立誓是愛永久
ah~ bāng kun lí li̍p-sè sī ài íng-kiú
毋通變心學風流
m̄-thang piàn-sim o̍h hong-liû
