望秋風
《望秋風》Bāng Tshiu-hōo
詹曼鈴Tsiam Bān-lîng
——————————————
閣一步就墜落
koh tsi̍t-pōo tiō tuī-lo̍h
墜落萬劫的錯誤
tuī-lo̍h bān-kiap ê tshò-gōo
你的情
lí ê tsîng
阮只有寄入上深的心湖
gún tsí-ū kià ji̍p siōng tshim ê sim-ôo
請你毋通
tshiánn lí m̄-thang
毋通對阮假糊塗
m̄-thang tuì gún ké hôo-tôo
欺騙我
khi-phiàn guá
只有更加艱苦
tsí-ū kìng-ka kan-khóo
假使放開
ká-sú pàng-khui
是唯一的路
sī uî-it ê lōo
我也是會對你來祝福
guá iā-sī ē tuì lí lâi tsiok-hok
望秋風吹啊吹
bāng tshiu-hong tshue–ah tshue
吹過山嶺吹過河
tshue kuè suann-niá tshue kuè hô
吹走阮對愛情的失落
tshue-tsáu gún tuì ài-tsîng ê sit-lo̍h
望秋水流啊流
bāng tshiu-suí lâu–ah lâu
留佇天邊來寄託
lâu tī thinn-pinn lâi kià-thok
寄託阮心中的無奈何
kià-thok gún sim-tiong ê bô-nāi-hô
只有將阮的愛
tsí-ū tsiong gún ê ài
深深來封鎖
tshim-tshim lâi hong-só
從此毋免啥人來倚靠
tsiông-tshú m̄-bián siánn-lâng lâi uá-khò
