頂樓天光
《頂樓天光》Tíng-lâu Thinn Kng
滅火器樂團 Bia̍t-hué-khì Ga̍k-thuân
——————————————
踮在五坪的房間
tiàm-tsāi gōo-pênn ê pâng-king
異鄉的過客
ī-hiong ê kuè-kheh
暗淡的月色
àm-tām ê gue̍h-sik
憂愁的月光
iu-tshiû ê gue̍h-kng
坐咧眠床頂
tsē leh bîn-tshn̂g-tíng
規暝袂當睏
kui-mî bē-tàng khùn
看著窗外
khuànn-tio̍h thang-guā
城市的路燈
siânn-tshī ê lōo-ting
眼前競爭的環境
gán-tsîng kīng-tsing ê khuân-kíng
嘛是家己的選擇
mā sī ka-tī ê suán-ti̍k
這陣窗外
tsit-tsūn thang-guā
天色漸漸光
thinn-sik tsiām-tsiām kng
沓沓來到厝尾頂
ta̍uh-ta̍uh lâi-kàu tshù-bué-tíng
閣點一枝薰
koh tiám tsi̍t-ki hun
心內有怨慼
sim-lāi ū uàn-tsheh
閣點一枝薰
koh tiám tsi̍t-ki hun
心內有怨慼
sim-lāi ū uàn-tsheh
只是想欲爭一口氣
tsí-sī siūnn-beh tsenn tsi̍t-kháu khuì
佗位有問題
tó-uī ū būn-tê
茫茫渺渺
bông-bông-biáu-biáu
每工戇戇踅
muí-kang gōng-gōng se̍h
時間一工一工經過
sî-kan tsi̍t-kang tsi̍t-kang king-kuè
已經毋願再加講話
í-king m̄-guān tsài ke-kóng-uē
無法解說
bô-huat kái-sueh
嘛無力通改變
mā bô-la̍t thang kái-piàn
