日子
《日子》Ji̍t-tsí
楊靜 Iûnn Tsīng
——————————————
風淒淒 心綿綿
hong tshe-tshe, sim mî-mî
因為有你睏在阮身邊
in-uī ū lí khùn tsāi gún sin-pinn
外面的風雨天
guā-bīn ê hong-hōo thinn
世間的無公平
sè-kan ê bô kong-pînn
有你一切
ū lí it-tshè
何必怨天
hô-pit uàn-thinn
日子一工一工過
ji̍t-tsí tsi̍t-kang tsi̍t-kang kuè
吵鬧一工一工濟
tshá-nāu tsi̍t-kang tsi̍t-kang tsē
日子一工一工飛
ji̍t-tsí tsi̍t-kang tsi̍t-kang pue
感情一工一工退
kám-tsîng tsi̍t-kang tsi̍t-kang thè
若欲按呢過日子
nā beh án-ne kuè ji̍t-tsí
不如雙手放你去
put-jû siang-tshiú pàng lí khì
希望你揣著一个人
hi-bāng lí tshuē-tio̍h tsi̍t-ê lâng
比我較愛你
pí guá khah ài lí
風微微 心淒淒
hong bî-bî, sim tshe-tshe
因為揣無人像你愛我遐爾痴
in-uī tshuē bô-lâng tshiūnn lí ài guá hiah-nī tshi
