石敢當
《石敢當》Tsio̍h-kám-tong
楊哲Iûnn Tiat
——————————————
你閣哭有啥路用
lí koh khàu ū siánn lōo-iōng
痛苦只有加深你身上
thòng-khóo tsí-ū ka-tshim lí sin-siōng
坎坷人生有波浪
khám-khia̍t jîn-sing ū pho-lōng
應該揣回你的笑容
ìng-kai tshuē-huê lí ê tshiò-iông
風若是對面衝
hong nā-sī tuì bīn tshiong
我會用身軀來阻擋
guá ē iōng sin-khu lâi tsóo-tòng
雨若是對面淋
hōo nā-sī tuì bīn lâm
我會指點你正確方向
guá ē tsí-tiám lí tsìng-khak hong-hiòng
啊~我是一座石敢當
ah ~guá sī tsi̍t-tsō tsio̍h-kám-tong
永遠勇敢
íng-uán ióng-kám
徛在風雨中
khiā tsāi hong-ú tiong
將愛你的心
tsiong ài lí ê sim
化作綿綿力量
huà tsoh mî-mî li̍k-liōng
予你人生
hōo-lí jîn-sing
更加堅強
kìng-ka kian-kiông
