老街
《老街》Lāu-ke
楊欣樺Iûnn Him-huā
——————————————
風輕輕吹
hong khin-khin tshue
雲飄飄過
hûn phiau-phiau kuè
日頭照著故鄉的老街
ji̍t-thâu tsiò tio̍h kòo-hiong ê lāu-ke
雨墜落地
hōo tuī-lo̍h tē
水流去佗
tsuí lâu khì tueh
親像阮的思念隨風飛
tshin-tshiūnn gún ê su-liām suî hong pue
故鄉的黃昏啊
kòo-hiong ê hông-hun–ah
仝款美麗
kāng-khuán bí-lē
日落的彩霞
ji̍t-lo̍h ê tshái-hâ
掖滿紅色的土地
iā muá âng-sik ê thóo-tē
閃爍的星
siám-sih ê tshinn
佇天頂咧講話
tī thinn-tíng teh kóng-uē
照著身在他鄉的心
tsiò tio̍h sin tsāi thann-hiong ê sim
寂寞的體會
tsi̍k-bo̍k ê thé-huē
寸寸的思鄉情懷
tshùn-tshùn ê su-hiong tsîng-huâi
寄託天頂的月
kià-thok thinn-tíng ê gue̍h
傳送無字的情批
thuân-sàng bô-jī ê tsîng-phue
