仝心肝
《仝心肝》Kāng Sim-kuann
楊欣樺Iûnn Him-huā
——————————————
愛過分過才知疼
ài–kuè hun–kuè tsiah tsai thiànn
因為有你我
in-uī ū lí guá
沃過淋過才知寒
ak–kuè lâm–kuè tsiah tsai kuânn
溫暖陪心肝
un-luán puê sim-kuann
已經慣勢來做伴
í-king kuàn-sì lâi tsuè-phuānn
心願漸漸大
sim-guān tsiām-tsiām tuā
山盟海誓有咧聽
san-bîng-hái-sè ū teh thiann
情深比海大
tsîng tshim pí hái tuā
雙人牽手做陣行
siang-lâng khan-tshiú tsuè-tīn kiânn
跤步愈踏心愈倚
kha-pōo jú ta̍h sim jú uá
毋通笑阮軟心肝
m̄-thang tshiò gún nńg sim-kuann
每日唱情歌
muí-ji̍t tshiùnn tsîng-kua
心中較想你的名
sim-tiong khah siūnn lí ê miâ
一種感覺鴛鴦命
tsi̍t-tsióng kám-kak uan-iunn miā
綿綿情絲纏著我
mî-mî tsîng-si tînn tio̍h guá
身穿愛情衫
sin tshīng ài-tsîng sann
慢慢行
bān-bān kiânn
遠遠看
hn̄g-hn̄g khuànn
日頭漸落山
ji̍t-thâu tsiām lo̍h-suann
燈火光照雙人影
ting-hué kng tsiò siang-lâng-iánn
永遠袂孤單
íng-uán buē koo-tuann
