莫閣來亂
《莫閣來亂》Mài Koh Lâi Luān
董育君 Táng Io̍k-kun
——————————————
電火全部切暗
tiān-hué tsuân-pōo tshiat àm
心情亂甲像無人管
sim-tsîng luān kah tshiūnn bô-lâng kuán
敢講愛我一直煩
kám-kóng ài guá it-ti̍t huân
你才甘願
lí tsiah kam-guān
你會曉偷食袂曉掩崁
lí ē-hiáu thau-tsia̍h buē-hiáu am-khàm
看佇眼內我實在怨嘆
khuànn tī gán-lāi guá si̍t-tsāi uàn-thàn
你的心啊那飛那遠
lí ê sim–ah ná pue ná hn̄g
我心情沉重
guá sim-tsîng tîm-tāng
當做我失誤愛毋著人
tòng-tsuè guá sit-gōo ài m̄-tio̍h lâng
無彩我的時間綴你眠夢
bô-tshái guá ê sî-kan tuè lí bîn-bāng
當做我近視傷重
tòng-tsuè guá kīn-sī siunn tāng
拄著頭殼一空
tú-tio̍h thâu-khak tsi̍t khang
我袂閣逐工共你揤讚
guá buē koh ta̍k-kang kā lí ji̍h-tsán
當做我無愛的
tòng-tsuè guá bô-ài–ê
送予別人
sàng hōo pa̍t-lâng
抾著的
khioh-tio̍h–ê
算你衰
sǹg lí sue
我攏不管
guá lóng put-kuán
這馬我平平安安
tsit-má guá pîng-pîng-an-an
祝你幸福美滿
tsiok lí hīng-hok bí-buán
過去的愛
kuè-khì ê ài
免費相送
bián-huì sio-sàng
莫閣來亂
mài koh lâi luān
