相思海
《相思海》Siunn-si-hái
黃乙玲 N̂g It-lîng
——————————————
海面茫茫相思海
hái-bīn bông-bông siunn-si-hái
茫茫失東西
bông-bông sit tang-sai
阮是思君君袂來
gún sī su kun kun buē lâi
貼心今何在
tah-sim kim hô-tsāi
今何在今何在今何在
kim hô-tsāi, kim hô-tsāi, kim hô-tsāi
啊~ 海鳥替阮做花使
ah~ hái-tsiáu thè gún tsuè hue-sài
海中孤舟相思海
hái-tiong koo-tsiu siunn-si-hái
孤舟問天涯
koo-tsiu mn̄g thian-gâi
阮是揣君君毋知
gún sī tshuē kun kun m̄-tsai
波浪滿腹內
pho-lōng muá-pak lāi
滿腹內滿腹內滿腹內
muá-pak lāi, muá-pak lāi, muá-pak lāi
啊~ 海風傳情予伊知
ah~ hái-hong thuân-tsîng hōo i tsai
海底摸針相思海
hái-tué bong-tsiam siunn-si-hái
摸針戇大呆
bong-tsiam gōng-tuā-tai
阮心罵君君不該
gún sim mā kun kun put-kai
消瘦為你害
siau-sán uî lí hāi
為你害為你害為你害
uî lí hāi, uî lí hāi, uî lí hāi
啊~ 海水流落為了愛
ah~ hái-tsuí lâu–lo̍h uī-liáu ài
