三聲無奈

《三聲無奈》Sann-siann Bô-nāi
陳盈潔 Tân îng-kiat
————————————————-
一時貪著阿君仔媠
tsi̍t-sî tham-tio̍h a-kun-á suí
痴情目睭激微微
tshi-tsîng ba̍k-tsiu kik bui-bui
為君仔假愛來食虧
uī kun-á ké-ài lâi tsia̍h-khui
害阮目屎四淋垂
hāi gún ba̍k-sái sì-lâm-suî

二更過了月斜西
jī-kinn kuè-liáu ge̍h tshiâ-sai
想阮哪會命遮䆀
siūnn gún ná ē miā tsiah bái
花開全望阿君仔採
hue khui tsuân bāng a-kun-á tshái
無疑僥倖不應該
bô-gî hiau-hīng put-ìng-kai

三聲無奈哭悲哀
sann-siann bô-nāi khàu pi-ai
月娘敢知阮心內
ge̍h-niû kám tsai gún sim-lāi
失戀傷心流目屎
sit-luân siong-sim lâu ba̍k-sái
好花變成相思栽
hó-hue piàn-sîng siunn-si-tsai