女兒紅
《女兒紅》Lú-jî-âng
黃妃 N̂g Hui
——————————————
有人為我藏一个夢
ū-lâng uī guá tshàng tsi̍t-ê bāng
真久以前的夢
tsin kú í-tsîng ê bāng
爸母講總有一工
pē-bú kóng tsóng ū tsi̍t-kang
你會知影伊的芳
lí ē tsai-iánn i ê phang
世事如風遮爾輕鬆
sè-sū jû hong tsiah-nī khin-sang
痴痴等待一个人
tshi-tshi tán-thāi tsi̍t-ê lâng
半生幸福
puàn-sing hīng-hok
誰來疼痛
siáng lâi thiànn-thàng
女人啊
lú-jîn–ah
等一个最愛阮的人
tán tsi̍t-ê tsuè ài gún ê lâng
啉一喙女兒紅
lim tsi̍t-tshuì lú-jî-âng
溫暖阮的心袂堅凍
un-luán gún ê sim buē kian-tàng
無論世事怎樣變化
bô-lūn sè-sū tsuánn-iūnn piàn-huà
只要有你結伴
tsí-iàu ū lí kiat-phuānn
阮甘願繼續行
gún kam-guān kè-sio̍k kiânn
閣一杯女兒紅
koh tsi̍t-pue lú-jî-âng
溫暖阮的心袂堅凍
un-luán gún ê sim buē kian-tàng
為我準備新娘房
uī guá tsún-pī sin-niû-pâng
永遠牽阮的手
íng-uán khan gún ê tshiú
通抑毋通
thang ia̍h m̄-thang
