噗仔聲
《噗仔聲》Pho̍k-á-siann
黃妃N̂g Hui
——————————————
春風微微點紅妝
tshun-hong bî-bî tiám âng-tsng
笑到日黃昏
tshiò kàu ji̍t hông-hun
夏雨殘殘使性地
hā-ú tshân-tshân sái-sìng-tē
連鞭就反悔
liâm-mi tiō huán-hué
秋蟬聲聲訴戀情
tshiu-siân siann-siann sòo luân-tsîng
句句展元氣
kù-kù tián guân-khì
冬紗綿綿換新衫
tang-se mî-mî uānn sin-sann
年年攏有賰
nî-nî lóng ū tshun
你聽我沓沓仔唱
lí thiann guá ta̍uh-ta̍uh-á tshiùnn
是啥人的劇本
sī siánn-lâng ê kio̍k-pún
離合悲歡無歇睏
lī-ha̍p pi-huan bô hioh-khùn
主角配角怎窮分
tsú-kak phuè-kak tsuánn khîng-hun
人生啊踅啊踅
jîn-sing–ah se̍h–ah se̍h
春分踅到冬節
tshun-hun se̍h kàu tang-tseh
是好是䆀?一个過
sī hó sī bái, nih–tsi̍t-ê kuè
計較是有啥貨
kè-kàu sī ū siánn-huè
舞台頂踅啊踅
bú-tâi-tíng se̍h–ah se̍h
開場到掌聲尾
khui-tiûnn kàu tsiáng-siann bué
佳哉有你貼心相綴
ka-tsài ū lí tah-sim sio-tuè
精彩背後
tsing-tshái puē-hiō
噗仔聲一定咱的
pho̍k-á-siann it-tīng lán–ê
