思念傷情
《思念傷情》Su-liām Siong Tsîng
黃妃N̂g Hui
——————————————
孤夜窗外的雨水
koo-iā thang-guā ê hōo-tsuí
滴答聲訴哀悲
tih-tah siann sòo ai-pi
一首訂情的歌曲
tsi̍t-siú tīng-tsîng ê kua-khik
聽無幸福的聲音
thiann-bô hīng-hok ê siann-im
哪通閣再想起
ná thang koh-tsià siūnn khí
段段情深也傷心
tuān-tuān tsîng tshim iā siong-sim
記持有你的往事搭四邊
kì-tî ū lí ê óng-sū tah sì-pinn
毋敢斷言來放棄
m̄-kánn tuān-giân lâi hòng-khì
一份情散袂離
tsi̍t-hūn tsîng suànn buē-lī
雖然攏已經過去
sui-jiân lóng í-king kuè-khì
掛念不時到深更
kuà-liām put-sî kàu tshim-kinn
明知緣份已盡
bîng-tsai iân-hūn í tsīn
暝暝夜較想是你
mî-mî iā khah siūnn sī lí
只賰寂寞陪踮身邊
tsí tshun tsi̍k-bo̍k puê tiàm sin-pinn
孤單過日
koo-tuann kuè-ji̍t
愛過傷心
ài–kuè siong sim
思念傷情
su-liām siong tsîng
斷腸雨愈淋愈心碎
tuān-tn̂g hōo jú lâm sim jú tshuì
想你的纏綿
siūnn lí ê tînn-mî
伴音樂消失
phuānn im-ga̍k siau-sit
留著苦滋味
lâu tio̍h khóo tsu-bī
愛過傷心
ài–kuè siong sim
思念傷情
su-liām siong tsîng
斬袂斷前世一段情
tsám buē tn̄g tsîng-sè tsi̍t-tuānn tsîng
該來阮接受
kai-lâi gún tsiap-siū
該去無怨恨
kai-khì bô uàn-hūn
註定的情份
tsù-tiānn ê tsîng-hūn
離袂開手
lî buē khui tshiú
