徘徊夜都市

《徘徊夜都市》Pâi-huê Iā-too-tshī
伍佰 Gōo-pah
——————————————
是你來反背我的愛佮痴迷
sī lí lâi huán-puē guá ê ài kah tshi-bê
才害我墜落你的陷阱
tsiah hāi guá tuī-lo̍h lí ê hām-tsínn
為你付出一切
uī lí hù-tshut it-tshè
我不應該閣再
guá put-ìng-kai koh-tsài
貪戀美麗
tham-luân bí-lē
野蝴蝶嘛會墜落花跤
iá-ôo-tia̍p mā ē tuī-lo̍h hue-kha
隨塗飛
suî thôo pue

欲按怎來放袂記你的溫柔
beh án-tsuánn lâi pàng-buē-kì lí ê un-jiû
阮猶原相信
gún iu-guân siong-sìn
你是真心分擔我的憂愁
lí sī tsin-sim hun-tam guá ê iu-tshiû
離鄉的我
lī-hiong ê guá
毋是毋捌孤單
m̄-sī m̄-bat koo-tuann
只是無想講
tsí-sī bô siūnn kóng
愛佮恨悔遮爾倚
ài kah hūn-hué tsiah-nī uá

啊~夜都市的徘徊
ah~ iā-too-tshī ê pâi-huê
藍色的霓虹燈閃爍著目屎
nâ-sik ê nî-hông-ting siám-sih tio̍h ba̍k-sái
啊~一心的期待
ah~ it-sim ê kî-thāi
是毋是你咱會當毋捌熟似
sī-m̄-sī lí lán ē-tàng m̄-bat si̍k-sāi

面前的路
bīn-tsîng ê lōo
罩著茫茫霧海
tà tio̍h bông-bông bū-hái
我冷冷清清
guá líng-líng tshing-tshing
行佇路上無人知
kiânn tī lōo-siōng bô-lâng tsai
—

我冷冷清清
guá líng-líng tshing-tshing
行佇路上無人知
kiânn tī lōo-siōng bô-lâng tsai

我冷冷清清
guá líng-líng tshing-tshing
這條路上無人知
tsit tiâu lōo-siōng bô-lâng tsai