瞞天過海
《瞞天過海》Muâ-thinn Kuè-hái
黃妃 N̂g Hui
——————————————
寫一字心予你了解
siá tsi̍t-jī sim hōo lí liáu-kái
你哪無珍惜阮的愛
lí ná bô tin-sioh gún ê ài
寫一字愛予你知
siá tsi̍t-jī ài hōo lí tsai
啥人為你苦澀等待
siánn-lâng uī lí khóo-siap tán-thāi
一擺兩擺歹算擺
tsi̍t-pái nn̄g-pái pháinn sǹg pái
你對阮是無形傷害
lí tuì gún sī bô-hîng siong-hāi
瞞過天瞞過海
muâ kuè thinn muâ kuè hái
騙阮痴情的目屎
phiàn gún tshi-tsîng ê ba̍k-sái
對你的情
tuì lí ê tsîng
對你的愛
tuì lí ê ài
寄在無盡的天涯
kià tsāi bû-tsīn ê thian-gâi
瞞過天瞞過海
muâ kuè thinn muâ kuè hái
騙阮真心的關懷
phiàn gún tsin-sim ê kuan-huâi
欠阮的情
khiàm gún ê tsîng
欠阮的愛
khiàm gún ê ài
何時何日會轉來還
hô-sî hô-ji̍t ē tńg-lâi hâinn
