愛相扶持
《愛相扶持》Ài Sio-hû-tshî
傅振輝Pòo Tsín-hui
——————————————
共一生的愛寄託予你
kā it-sing ê ài kià-thok hōo lí
將今生的情交代予你
tsiong kim-sing ê tsîng kau-tài hōo lí
我會共你惜命命
guá ē kā lí sioh-miā-miā
牽過情路莫煞去
khan kuè tsîng-lōo mài suah–khì
咱愛珍惜這份情愛
lán ài tin-sioh tsit hūn tsîng-ài
相扶持
sio hû-tshî
人生姻緣路揀來揀去
jîn-sing in-iân-lōo kíng-lâi-kíng-khì
註定緣份到送做堆
tsù-tiānn iân-hūn kàu sàng-tsuè-tui
情路莫藃蟶搟來反去
tsîng-lōo mài hiauh-than hián-lâi-píng-khì
迷戀中演甲死來活去
bê-luân tiong ián kah sí-lâi-ua̍h-khì
感情的熱度燒來冷去
kám-tsîng ê jia̍t-tōo sio-lâi-líng-khì
美滿的情路互相扶持
bí-buán ê tsîng-lōo hōo-siong hû-tshî
輕鬆的舞步徙來徙去
khin-sang ê bú-pōo suá-lâi-suá-khì
幸福的滋味糖甘蜜甜
hīng-hok ê tsu-bī thn̂g-kam-bi̍t-tinn
仝心的伴侶好來好去
kāng-sim ê phuānn-lī hó-lâi-hó-khì
就是跟隨到海角天邊
tiō-sī kin-suî kàu hái-kak thinn-pinn
愛相扶持
ài sio-hû-tshî
