大伯公夢
https://www.youtube.com/watch?v=gsGHC8QkpbQ&fbclid=IwAR2J9eG1R87roeZIa3CZJG8ZT13aw1qS4GrFoNbYgVTvAuwJl_y4GGPfGY0
《大伯公夢》Tuā-peh-kong Bāng
黃一飛 N̂g It-hui
———————————————
昨暝我夢著一隻豬母
tsa-mî guá bāng-tio̍h tsi̍t-tsiah ti-bú
行路去看戲
kiânn-lōo khì khuànn-hì
樹跤有兩隻水牛
tshiū-kha ū nn̄g-tsiah tsuí-gû
坐咧燒薰枝
tsē leh sio hun-ki
路口有幾隻狗囝
lōo-kháu ū kuí tsiah káu-kiánn
排隊咧等taxi
pâi-tuī leh tán tek-sī
厝內的五跤記
tshù-lāi ê gōo-kha-kì
有幾隻雞鴨
ū kuí tsiah kue-ah
嘻嘻哈哈
hi-hi ha-ha
那咧傾解(?)啉KOPI
ná-leh khìng-kái lim KOPI
昨暝我夢著一隻烏狗
tsa-mî guá bāng-tio̍h tsi̍t-tsiah oo-káu
穿鞋去踢球
tshīng uê khì that-kiû
樹跤有兩隻烏貓
tshiū-kha ū nn̄g-tsiah oo-niau
咧洗頭剃鬍鬚
leh sé-thâu thì-hôo-tshiu
門口有幾隻蠓囝
mn̂g-kháu ū kuí tsiah báng-kiánn
閒閒那咧拍胡蠅咧
êng-êng ná-leh phah hôo-sîn–leh
厝內的大廳內
tshù-lāi ê tuā-thiann-lāi
有幾隻老鼠
ū kuí tsiah nóo-tshír
tsi-tsi tsā-tsā
tsi-tsi tsā-tsā
那咧曲跤看電視
ná-leh khiau-kha khuànn tiān-sī
大伯公夢啊
tuā-peh-kong bāng–ah
大伯公予我夢
tuā-peh-kong hōo guá bāng
一隻老鼠
tsi̍t-tsiah nóo-tshír
一五七五
it gōo tshit gōo
兩隻水牛
nn̄g-tsiah tsuí-gû
二四三空
jī sì sann khòng
三隻雞鵤
sann-tsiah kue-kak
是三五空空
sī sann gōo khòng-khòng
貓咬老鼠
niau kā nóo-tshír
八九空
pueh káu khòng
夢雞買雞
bāng kue bué kue
夢鴨買鴨
bāng ah bué ah
夢中彼號真趣味
bāng-tiong hit-lō tsin tshù-bī
夢醒予你笑袂離
bāng tshínn hōo-lí tshiò-buē-lī
