都市的庄跤人
https://www.youtube.com/watch?v=LF8Pzu0Os2M
《都市的庄跤人》Too-tshī ê Tsng-kha-lâng
黃西田N̂g Se-tiân
櫻桃姊妹 Ing-thô Tsí-muē
——————————————
手提著一跤行李
tshiú the̍h-tio̍h tsi̍t-kha hîng-lí
欲轉來去
beh tńg–lâi-khì
轉來故鄉
tńg-lâi kòo-hiong
田庄較趣味
tshân-tsng khah tshù-bī
想著阮彼个愛人
siūnn-tio̍h gún hit ê ài-jîn
心內感覺真歡喜
sim-lāi kám-kak tsin huann-hí
田庄有百花開
tshân-tsng ū pah-hue khui
故鄉的明月圓
kòo-hiong ê bîng-gue̍h înn
妹有情
muē ū-tsîng
兄有義
hiann ū gī
等你轉來阮身邊
tán lí tńg-lâi gún sin-pinn
繁華的夜都市
huân-huâ ê iā-too-tshī
我是已經毋想伊
guá sī í-king m̄-siūnn i
決心佮你來做堆
kuat-sim kah lí lâi tsuè-tui
陪伴阮踮田庄
puê-phuānn gún tiàm tshân-tsng
較有人情味
khah ū jîn-tsîng-bī
