你敢知
《你敢知》Lí Kám Tsai
黃鳳儀N̂g Hōng-gî
——————————————
今仔日開始
kin-á-ji̍t khai-sí
你敢會入來夢中
lí kám ē ji̍p-lâi bāng-tiong
敢會佮阮來做伴
kám ē kah gún lâi tsuè-phuānn
敢講你攏毋知
kám-kóng lí lóng m̄-tsai
我毋是凊凊彩彩
guá m̄-sī tshìn-tshìn-tshái-tshái
溫柔咧予別人看
un-jiû teh hōo pa̍t-lâng khuànn
你應該了解我天生
lí ìng-kai liáu-kái guá thian-sing
毋是毋是彼種Easy Type
m̄-sī m̄-sī hit tsióng Easy Type
但是有你佇身邊
tān-sī ū lí tī sin-pinn
我的情就像大海
guá ê tsîng tiō tshiūnn tuā-hái
你敢知從今以後
lí kám tsai tsiông-kim í-āu
我的心無別人只有你
guá ê sim bô pa̍t-lâng tsí-ū lí
才會當來接受
tsiah ē-tàng lâi tsiap-siū
阮的愛佮阮的關懷
gún ê ài kah gún ê kuan-huâi
我嘛知你是袂曉
guá mā tsai lí sī buē-hiáu
對我來表示你的愛
tuì guá lâi piáu-sī lí ê ài
是愛人是朋友
sī ài-jîn sī pîng-iú
我毋管
guá m̄-kuán
欲綴你到天邊海角
beh tuè lí kàu thinn-pinn hái-kak
這是我理想的愛
tse sī guá lí-sióng ê ài
阮會當了解
gún ē-tàng liáu-kái
伊是一个戇書呆
i sī tsi̍t-ê gōng tsu-tai
閣是較痴呆
koh sī khah tshi-tai
其實阮驚傷害
kî-si̍t gún kiann siong-hāi
但是猶真期待
tān-sī iáu tsin kî-thāi
歡喜佮你逍遙四海
huann-hí kah lí siau-iâu sù-hái
為情義
uī tsîng-gī
你無計較利害
lí bô kè-kàu lī-hāi
只是袂曉談戀愛
tsí-sī buē-hiáu tâm luân-ài
因為按呢的你
in-uī án-ne ê lí
才會引起著阮的愛
tsiah ē ín-khí tio̍h gún ê ài
