幸福的船
《幸福的船》Hīng-hok ê Tsûn
黃鳳儀 N̂g Hōng-gî
荒山亮 Hong-san Liāng
——————————————
秋夜海煙漸漸涼
tshiu-iā hái-ian tsiām-tsiām liâng
月色照滿樓窗
gue̍h-sik tsiò buán lâu-thang
兩人的心對成雙
nn̄g-lâng ê sim tuì sîng-siang
情歌溫柔吹送
tsîng-kua un-jiû tshue-sàng
你的美麗你的芳
lí ê bí-lē lí ê phang
引阮痴痴茫茫
ín gún tshi-tshi bâng-bâng
將阮的手牽絚絚
tsiong gún ê tshiú khan ân-ân
咱的曖昧無地藏
lán ê ài-māi bô-tè tshàng
飄過千里的戀夢
phiau kuè tshian-lí ê luân-bāng
甘願隨海湧萬年等
kam-guān suî hái-íng bān-nî tán
浮沉的心欲靠岸
phû-tím ê sim beh khò-huānn
不再迷茫
put-tsài bê-bâng
幸福包圍咱兩人
hīng-hok pau-uî lán nn̄g-lâng
我欲將你來疼痛
guá beh tsiong lí lâi thiànn-thàng
你就是我追隨的人
lí tiō-sī guá tui-suî ê lâng
月娘天星來做伴
gue̍h-niû thinn-tshinn lâi tsuè-phuānn
天涯海角
thian-gâi hái-kak
幸福的船
hīng-hok ê tsûn
輕輕起帆
khin-khin khí-phâng
向前航
hiòng-tsiân hâng
