司機的心情
《司機的心情》Su-ki ê Sim-tsîng
黑手那卡西工人樂隊Oo-tshiú Na-gá-sih Ga̍k-tuì
——————————————
今夜又是月光暝
kim-iā iū sī ge̍h-kng-mî
月娘對阮笑微微
ge̍h-niû tuì gún tshiò bî-bî
為著生活來拍拚
uī-tio̍h sing-ua̍h lâi phah-piànn
開著貨櫃車
khui tio̍h huè-kuī-tshia
現在也已經是深夜
hiān-tsāi iā í-king sī tshim-iā
想起著
siūnn-khí tio̍h
可愛囝兒天真的模樣
khó-ài kiánn-jî thian-tsin ê bôo-iūnn
引阮的疲勞消去
ín gún ê phî-lô siau–khì
精神又提起
tsing-sîn iū the̍h-khí
有時拄著落雨暝
ū-sî tú-tio̍h lo̍h-hōo mî
高速公路暗眯眯
ko-sok-kong-lōo àm-bî-bî
為著生活也愛行
uī-tio̍h sing-ua̍h iā ài kiânn
專心來開車
tsuan-sim lâi khui-tshia
雖然是落雨的暗暝
sui-jiân sī lo̍h-hōo ê àm-mî
想起著
siūnn-khí tio̍h
可愛家庭溫柔的妻兒
khó-ài ka-tîng un-jiû ê tshe-jî
引阮的精神提起
ín gún ê tsing-sîn the̍h-khí
繼續閣來去
kè-sio̍k koh lâi-khì
