思慕
《思慕》Su-bōo
陳雷 Tân Luî
——————————————
思慕心中彼段情
su-bōo sim-tiong hit tuānn tsîng
毋知按怎對你來表明
m̄-tsai án-tsuánn tuì lí lâi piáu-bîng
明知相思夢難成
bîng-tsai siunn-si-bāng lân sîng
偏偏甘願來犧牲
phian-phian kam-guān lâi hi-sing
蝴蝶雙飛
ôo-tia̍p siang-pue
青春花開
tshing-tshun hue khui
對你愛意你敢知情
tuì lí ài-ì lí kám tsai-tsîng
我對你的愛
guá tuì lí ê ài
是永遠袂變卦
sī íng-uán buē piàn-kuà
決心佮你做伴過一生
kuat-sim kah lí tsuè-phuānn kuè it-sing
雙人雙影行相倚
siang-lâng siang-iánn kiânn sio-uá
有你陪伴佇身邊
ū lí puê-phuānn tī sin-pinn
風風雨雨攏毋驚
hong-hong-hōo-hōo lóng m̄-kiann
希望有一日
hi-bāng ū tsi̍t-ji̍t
你我戀情
lí guá luân-tsîng
親像鴛鴦水鴨
tshin-tshiūnn uan-iunn tsuí-ah
分袂開
hun buē khui
