哪會按呢
《哪會按呢》Ná Ē Án-ne
陳雷Tân Luî
——————————————
人講咱有翁仔某面
lâng kóng lán ū ang-á-bóo bīn
予我對你閣較有信心
hōo guá tuì lí koh-khah ū sìn-sim
阮孫仔共你叫阿嬸
gún sun-á kā lí kiò a-tsím
你嘛無反對
lí mā bô huán-tuì
笑笑來承認
tshiò-tshiò lâi sîng-jīn
人看咱行甲遮爾深
lâng khuànn lán kiânn kah tsiah-nī tshim
問我當時有喜酒通啉
mn̄g guá tang-sî ū hí-tsiú thang lim
阮母仔講你好笑神
gún bú–á kóng lí hó-tshiò-sîn
共你當做查某囝
kā lí tòng-tsuè tsa-bóo-kiánn
共你當做查某囝
kā lí tòng-tsuè tsa-bóo-kiánn
疼入心
thiànn ji̍p sim
遮爾濟的關心
tsiah-nī tsuē ê kuan-sim
遮爾好的愛人
tsiah-nī hó ê ài-jîn
毋知影你哪會
m̄ tsai-iánn lí ná ē
你哪會隨時反面
lí ná ē suî-sî huán-bīn
遮爾濟的關心
tsiah-nī tsuē ê kuan-sim
遮爾好的愛人
tsiah-nī hó ê ài-jîn
毋知影你哪會
m̄ tsai-iánn lí ná ē
你哪會放會落心
lí ná ē pàng ē lo̍h sim
阮孫仔吵欲佮你見面
gún sun-á tshá beh kah lí kìnn-bīn
阮母仔問
gún bú–á mn̄g
你無來
lí bô lâi
啥原因
siánn guân-in
我目屎強忍袂曉應
guá ba̍k-sái kiông-jím buē-hiáu ìn
暗傷心
àm siong-sim
