上媠的一首歌
《上媠的一首歌》Siōng Suí ê Tsi̍t-siú Kua
陳雷Tân Luî
——————————————
你佇我一生中
lí tī guá it-sing tiong
腦海內永遠最懷念
náu-hái lāi íng-uán tsuè huâi-liām
佇雺霧風中的小巷
tī bông-bū hong-tiong ê sió-hāng
只賰往事咧戀戀
tsí tshun óng-sū teh luân-luân
時常點播彼首歌
sî-siông tiám-pòo hit siú kua
午夜旋律陪伴我
ngóo-iā suân-lu̍t puê-phuānn guá
溫柔的聲音
un-jiû ê siann-im
可愛的模樣
khó-ài ê bôo-iūnn
不時浮在阮目前
put-sî phû tsāi gún ba̍k-tsîng
因為你是我一生中
in-uī lí sī guá it-sing tiong
心內上媠的一首歌
sim-lāi siōng suí ê tsi̍t-siú kua
