林投姊
《林投姊》Nâ-tâu-tsí
陳盈潔Tân Îng-kiat
——————————————
花若欲開
hue nā beh khui
開雙蕊
khui siang luí
蝴蝶欲飛
ôo-tia̍p beh pue
飛相隨
pue sio-suî
你咱兩人成雙對
lí lán nn̄g-lâng sîng-siang-tuì
是按怎會來拆分開
sī-án-tsuánn ē lâi thiah hun-khui
希望一生結連理
hi-bāng it-sing kiat-liân-lí
無疑上蒼來阻止
bô-gî siōng-tshong lâi tsóo-tsí
放阮孤單做你去
pàng gún koo-tuann tsuè lí khì
親像瓊花無一時
tshin-tshiūnn khîng-hue bô tsi̍t-sî
啊~每日為你心綿綿
ah~ muí-ji̍t uī lí sim mî-mî
啊~心內較想也是你
ah~ sim-lāi khah siūnn iā-sī lí
今日才知離開你
kim-ji̍t tsiah tsai lī-khui lí
我的一生無意義
guá ê it-sing bô ì-gī
你若有情我有義
lí nā ū-tsîng guá ū gī
為你生來為你死
uī lí sinn–lâi uī lí sí
這世無緣望後世
tsit-sì bô-iân bāng āu-sì
愛你千年萬萬年
ài lí tshian-nî bān-bān nî
