冷月照西窗
《冷月照西窗》Líng-gue̍h Tsiò Se-thang
陳盈潔Tân Îng-kiat
——————————————
女人簡單的夢
lú-jîn kán-tan ê bāng
只有要求你疼痛
tsí-ū iau-kiû lí thiànn-thàng
敢講這予你遮為難
kám-kóng tsit hōo lí tsiah uî-lân
秋蟬啼哭將入冬
tshiu-siân thî-khàu tsiong ji̍p tang
誤阮青春戇戇等
gōo gún tshing-tshun gōng-gōng tán
女人幸福的夢
lú-jîn hīng-hok ê bāng
只有向望你一人
tsí-ū ǹg-bāng lí tsi̍t-lâng
為何今日來變成空
uī-hô kim-ji̍t lâi piàn-sîng khang
日思夜嘆心沉重
ji̍t-su iā-thàn sim tîm-tāng
孤枕冷被阮一人
koo-tsím líng-phuē gún tsi̍t-lâng
純情花
sûn-tsîng hue
為你開為你媠
uī lí khui uī lí suí
你像風你像雨
lí tshiūnn hong lí tshiūnn hōo
共阮創治
kā gún tshòng-tī
純情花
sûn-tsîng hue
為你芳為你紅
uī lí phang uī lí âng
怎樣啊你無珍惜好花欉
tsuánn-iūnn–ah lí bô tin-sioh hó hue-tsâng
女人期待的夢
lú-jîn kî-thāi ê bāng
已經被你來斷送
í-king pī lí lâi tuān-sàng
今夜冷月照西窗
kim-iā líng-gue̍h tsiò se-thang
