夢中的新娘
https://www.youtube.com/watch?v=JLepUBHpMpM
《夢中的新娘》Bāng-tiong ê Sin-niû
陳淑萍Tân Siok-phîng
——————————————
人生啊
jîn-sing–ah
若是有你手牽阮
nā-sī ū lí tshiú khan gún
世間處處是天堂
sè-kan tshù-tshù sī thian-tn̂g
運命啊
ūn-miā–ah
若是無你的拍算
nā-sī bô lí ê phah-sǹg
心情親像天罩烏雲
sim-tsîng tshin-tshiūnn thinn tà oo-hûn
恨世間恨命運
hūn sè-kan hūn miā-ūn
為何拆散鴛鴦落鴨群
uī-hô thiah-suànn uan-iunn lo̍h ah-kûn
魂在夢中
hûn tsāi bāng-tiong
夢你手牽阮
bāng lí tshiú khan gún
行入教堂
kiânn-ji̍p kàu-tn̂g
為何輾落的手指
uī-hô liàn–lo̍h ê tshiú-tsí
只賰深深的傷痕
tsí tshun tshim-tshim ê siong-hûn
魂在夢中
hûn tsāi bāng-tiong
夢你的溫存
bāng lí ê un-tsûn
希望天攏袂光
hi-bāng thinn lóng buē kng
為何恩愛的眠床
uī-hô un-ài ê bîn-tshn̂g
只賰孤單的淚痕
tsí tshun koo-tuann ê luī-hûn
想欲放袂記
siūnn-beh pàng-buē-kì
無奈相思毋放阮
bô-nāi siunn-si m̄-pàng gún
一對失散的靈魂
tsi̍t-tuì sit-suànn ê lîng-hûn
