由在伊啦

《由在伊啦》Iû-tsāi I–lah
白冰冰Pe̍h Ping-ping
——————————————
毋驚風雨偌大
m̄-kiann hong-hōo guā tuā
毋驚怎樣拖磨
m̄-kiann tsuánn-iūnn thua-buâ
上驚為情傷心肝
siōng kiann uī tsîng siong sim-kuann
甘願做你的影
kam-guān tsuè lí ê iánn
甘願綴你來行
kam-guān tuè lí lâi kiânn
今世今生莫拆散
kim-sè kim-sing mài thiah-suànn

想起著你的聲
siūnn-khí tio̍h lí ê siann
想起著你形影
siūnn-khí tio̍h lí hîng-iánn
無奈痛苦放予我擔
bô-nāi thòng-khóo pàng hōo guá tann
啥原因花哪開一半
siánn guân-in hue ná khui tsi̍t-puànn
放阮暝日受風寒
pàng gún mî-ji̍t siū hong-kuânn
是毋是月老牽錯線
sī-m̄-sī gua̍t-nóo khan tshò suànn
害阮情路揣無伴
hāi gún tsîng-lōo tshuē-bô phuānn
抑是註定著愛孤單
ia̍h-sī tsù-tiānn tio̍h-ài koo-tuann
啊~由在伊啦
ah~ iû-tsāi i–lah