愛的播音員
《愛的播音員》Ài ê Pòo-im-uân
陳思安Tân Su-an
——————————————
↓↓—(口白)—↓↓
夜深矣
iā tshim–ah
空中朋友
khong-tiong pîng-iú
恁最近好無
lín tsuè-kīn hó–bô
今夜的風淡薄仔寒
kim-iā ê hong tām-po̍h-á kuânn
就親像阮現在的心情
tō tshin-tshiūnn gún hiān-tsāi ê sim-tsiânn
所以思安想欲介紹一首歌
sóo-í Su-an siūnn-beh kài-siāu tsi̍t-siú kua
予好朋友聽
hōo hó-pîng-iú thiann
歌名是愛的播音員
kua-miâ sī Ài ê Pòo-im-uân
↑↑—(口白)—↑↑
聽著la-jí-ooh中伊的聲
thiann-tio̍h la-jí-ooh tiong i ê siann
恬恬講出最近的心情
tiām-tiām kóng-tshut tsuè-kīn ê sim-tsiânn
伊講傷心
i kóng siong-sim
想欲來點歌
siūnn-beh lâi tiám-kua
點著一首懷念的情歌
tiám tio̍h tsi̍t siú huâi-liām ê tsîng-kua
啊~愛的播音員是伊的名
ah~ ài ê pòo-im-uân sī i ê miâ
傷心的人攏知影
siong-sim ê lâng lóng tsai-iánn
你若是悲傷
lí nā-sī pi-siong
毋知欲講予啥人聽
m̄-tsai beh kóng hōo siánn-lâng thiann
伊願意替你來擔
i guān-ì thè lí lâi tann
la-jí-ooh中陣陣的歌聲
la-jí-ooh tiong tsūn-tsūn ê kua-siann
聲聲唱出
siann-siann tshiùnn-tshut
傷心的心情
siong-sim ê sim-tsiânn
播音員的心情誰知影
pòo-im-uân ê sim-tsîng siáng tsai-iánn
面對孤單
bīn-tuì koo-tuann
夜夜咧心疼
iā-iā teh sim thiànn
