思想起
《思想起》
陳明章Tân Bîng-tsiong
——————————————
思啊雙啊枝
heh su–ah siang–ah ki
第一蓋大是天佮地
tē-it kài tuā sī thinn kah tē
第二蓋大是老母伨老爸
tē-jī kài tuā sī hit-ê lāu-bú thīn lāu-pē ah-ueh
毋信你共想詳細
m̄-sìn–ah lí kā siūnn siông-sè aih-ioh-ah-ueh aih-ioh-ueh
彼个骨頭是老爸予咱的
kut-thâu sī lāu-pē hōo lán ê
肉是老母的
bah sī lāu-bú ê ah-ueh
思啊雙啊枝
heh su–ah siang–ah ki
手攑月琴來心肝
tshiú gia̍h gue̍h-khîm–ah lâi–ah sim-kuann
一手來做音一手彈
tsi̍t-tshiú lâi tsuè-im–ah tsiah-lâi tsi̍t-tshiú tuânn lih-tioh-aih-ioh-ueh
哥兄若是有娘來做伴
ko-hiann nā sī ū niû lâi tsuè-phuānn aih-ioh-ah-ueh aih-ioh-ueh
十二月寒冷毋知寒
hit-ê tsa̍p-jī–gue̍h hân-líng tsiah-lâi m̄-tsai kuânn lih-tioh-aih-ioh-ueh
思啊雙啊枝
heh su–ah siang–ah ki
日頭出來滿天紅
ji̍t-thâu tshut–lâi-ah lih-tioh muá-thinn âng
枋寮若過去是楓港
Pang-liâu nā kuè–khì-ah lih-tioh sī–ah Hong-káng lih-tioh-aih-ioh-ueh
向望阿哥來疼痛
ǹg-bāng–ah a-ko lâi thiànn-thàng aih-ioh-ah-ueh aih-ioh-ueh
疼痛小妹做工人
thiànn-thàng–ah sió-muē–ah lih-tioh tsuè-kang-lâng lih-tioh-aih-ioh-ueh
嘿唷
heh-ioh
思啊雙啊枝唷
su–ah siang–ah ki–ioh
