男兒哀歌
《男兒哀歌》Lâm-jî Ai-kua
陳明章 Tân Bîng-tsiong
——————————————
船螺聲音交響著
tsûn-lê siann-im kau-hiáng tio̍h
酒場小吹聲
tsiú-tiûnn sió-tshue siann
港都又是船入港
káng-too iū sī tsûn ji̍p-káng
回復歡樂影
huê-ho̍k huan-lo̍k iánn
酒是毋倒來嗎
tsiú sī m̄ tò–lâi-mah
無醉我毋行
bô tsuì guá m̄ kiânn
你我乾杯驚啥物
lí guá kan-pue kiann siánn-mi̍h
何必著來驚
hô-pit tio̍h lâi kiann
你佮我不過是
lí kah guá put-kò sī
仝款的運命
kāng-khuán ê ūn-miā
吉他哀調提醒我
gì-tah ai-tiāu thê-tshínn guá
滿腹的恨火
muá-pak ê hūn-hué
舊情何必再提起
kū-tsîng hô-pit tsài thê-khí
已經不重回
í-king put tiông-huê
曲是毋奏來嗎
khik sī m̄ tsàu–lâi-mah
隨便無問題
suî-piān bô būn-tuê
你我合唱唱啥物
lí guá ha̍p-tshiùnn tshiùnn siánn-mi̍h
你唱我就綴
lí tshiùnn guá tsiū tuè
你佮我趁今宵
lí kah guá thàn kim-siau
盡量開心花
tsīn-liōng khui sim-hue
酒女面容若親像
tsiú-lú bīn-iông ná tshin-tshiūnn
可愛冤仇人
khó-ài uan-siû-lâng
酒場規暝鬧袂停
tsiú-tiûnn kui-mî nāu buē thîng
迷醉人幻夢
bê-tsuì jîn huàn-bāng
你是毋倚來嗎
lí sī m̄ uá–lâi-mah
欲送我出帆
beh sàng guá tshut-phâng
你我乾杯笑啥物
lí guá kan-pue tshiò siánn-mi̍h
何必帶苦痛
hô-pit tài khóo-thàng
你佮我愛輕鬆
lí kah guá ài khin-sang
互相知輕重
hōo-siong tsai-khin-tāng
