半暝的公主
《半暝的公主》Puànn-mê ê Kong-tsú
陳明章Tân Bîng-tsiong
——————————————
眠夢中
bîn-bāng tiong
有一種聲音共我講
ū tsi̍t-tsióng siann-im kā guá kóng
講這馬已經是
kóng tsit-má í-king sī
半暝兩點外
puànn-mî nn̄g-tiám guā
流浪的人
liû-lōng ê lâng
逐家攏已經欲來轉
ta̍k-ke lóng í-king beh lâi-tńg
半暝的公主
puànn-mî ê kong-tsú
怹的跤底有路無厝
in ê kha-té ū lōo bô tshù
醉茫茫
tsuì-bâng-bâng
醉甲無法度講出心事
tsuì kah bô-huat-tōo kóng tshut sim-sū
醉茫茫
tsuì-bâng-bâng
紅中白板安非他命
âng-tiong pe̍h-pán an-hui-thann-bīng
糊著碎糊糊的青春
kôo tio̍h tshuì kôo-kôo ê tshing-tshun
今夜的風
kim-iā ê hong
吹著伊
tshue tio̍h i
發育猶未完全的身軀
huat-io̍k iáu-buē uân-tsuân ê sin-khu
無仝間賓館的無仝間眠床
bô-kāng king pin-kuán ê bô-kāng king bîn-tshn̂g
硩佇伊的身軀頂
teh tī i ê sin-khu-tíng
只是無仝姓名的阿伯佮叔叔
tsí-sī bô-kāng sìnn-miâ ê a-peh kah shúshu
你欲佗位
lí beh tó-uī
你欲佗位
lí beh tó-uī
