歡迎光臨
《歡迎光臨》Huan-gîng Kong-lîm
陳建瑋 Tân Kiàn-uí
—————————–
毋知影 啥物時陣
m̄ tsai-iánn, siánn-mih sî-tsūn
你嘛嘛吼 孵出來
lí mà-mà-háu pū tshut-lâi
枵飽吵 規厝內
iau-pá-tshá, kui tshù-lāi
緣份畫出咱的未來
iân-hūn uē tshut lán ê bī-lâi
.
你會大 時間咧行
lí ē tuā, sî-kan leh kiânn
我會骨力拚
guá ē kut-la̍t piànn
這个家 添一名
tsit-ê ke, thiam tsi̍t-miâ
是圓滿抑是驚
sī uân-buán ia̍h-sī kiann
等你來做伙搬
tán lí lâi tsò-hué puann
.
歡迎你光臨花花的世界
huan-gîng lí kong-lîm hue-hue ê sè-kài
客滿的現在
kheh-muá ê hiān-tsāi
日子不時咧變化
ji̍t-tsí put-sî leh piàn-huà
愛拚無一定贏
ài piànn bô-it-tīng iânn
.
歡迎你光臨可愛的世界
huan-gîng lí kong-lîm khó-ài ê sè-kài
豐沛的時代
phong-phài ê sî-tāi
這隻船 欲去佗
tsit-tsiah tsûn, beh khì toh
其實無人知
kî-si̍t bô-lâng tsai
.
你會大 時間咧行
lí ē tuā, sî-kan leh kiânn
我會骨力拚
guá ē kut-la̍t piànn
這个家 添一名
tsit-ê ke, thiam tsi̍t-miâ
是圓滿抑是驚
sī uân-buán ia̍h-sī kiann
等你來做伙搬
tán lí lâi tsò-hué puann
.
歡迎你光臨花花的世界
huan-gîng lí kong-lîm hue-hue ê sè-kài
客滿的現在
kheh-muá ê hiān-tsāi
日子不時咧變化
ji̍t-tsí put-sî leh piàn-huà
愛拚無一定贏
ài piànn bô-it-tīng iânn
.
歡迎你光臨可愛的世界
huan-gîng lí kong-lîm khó-ài ê sè-kài
豐沛的時代
phong-phài ê sî-tāi
這隻船 欲去佗
tsit-tsiah tsûn, beh khì toh
其實無人知
kî-si̍t bô-lâng tsai
.
日頭啊 伊閣落西
ji̍t-thâu–ah, i koh lo̍h-sai
月娘光起來
ge̍h-niû kng khí-lâi
免煩惱 我等佇遮
bián huân-ló, guá tán tī tsia
愛滇滇 規片海
ài tīnn-tīnn, kui phìnn hái
毋管東 毋管西
m̄-kuán tang, m̄-kuán sai
等你來
tán lí lâi
