情雨亂亂飛
《情雨亂亂飛》Tsîng-hōo Luān-luān Pue
陳亞蘭Tân A-lân
——————————————
透早落著大雨
thàu-tsá lo̍h tio̍h tuā-hōo
天色全變烏
thinn-sik tsuân piàn oo
心情是起起落落
sim-tsîng sī khí-khí-lo̍h-lo̍h
親像咧落雨
tshin-tshiūnn teh lo̍h-hōo
拜託雨莫來耽誤
pài-thok hōo mài lâi tam-gōo
青春少年路
tshing-tshun siàu-liân lōo
若閣落
nā koh lo̍h
會艱苦
ē kan-khóo
天邊的烏雲白雲
thinn-pinn ê oo-hûn pe̍h-hûn
飄過小山崙
phiau kuè sió suann-lūn
心情是亂亂紛紛
sim-tsîng sī luān-luān-hun-hun
親像失了魂
tshin-tshiūnn sit liáu hûn
拜託雨莫來耽誤
pài-thok hōo mài lâi tam-gōo
少年的青春
siàu-liân ê tshing-tshun
若閣落
nā koh lo̍h
心會酸
sim ē sng
愛你愛你無歇睏
ài lí ài lí bô hioh-khùn
無聊風雨
bô-liâu hong-hōo
一陣又一陣
tsi̍t-tsūn iū tsi̍t-tsūn
啊~等你等你到黃昏
ah~ tán lí tán lí kàu hông-hun
孤孤單單無身魂
koo-koo-tuann-tuann bô sin-hûn
害我想你想你到天光
hāi guá siūnn lí siūnn lí kàu thinn-kng
敢講咱是有情無緣份
kám-kóng lán sī ū tsîng bô iân-hūn
啊~望你望你的情份
ah~ bāng lí bāng lí ê tsîng-hūn
可比天星
khó-pí thinn-tshinn
久久長長
kú-kú-tn̂g-tn̂g
